MARLAS
ROHA MANGOLOI HATA NI TUHAN I
- Patujolo
Dibuhai
do bindu 119 on marhite hata martua, ditujuhon mai tu angka na daulat
marpangalaho, marpangalahohon patiki ni Jahowa, dst. On ma angka sosososo tu
angka na porsea di Debata ndang marisuang angka na mangulahon patik nang
hatigoran na sian Debata nang pe di tongatonga portibi na rundut. Alai unang
lupa hita nang pe naung bongot jolma I tu ngolu na marhabadiaon, ndang ulaon na
mura manjagahon ngolu na marhabadiaon I, ala jotjot do roha daging I jala sai
rongom do sibolisi mambahen hita mangulahi mardosa. Turpuk on ma na mangalehon
parbinotoan tu hita asa hot hita paholang diri sian dosa.
- Hatorangan turpuk
- Ayat 9.Dipungka do turpuk on marhite sungkunsungkun “marhitehite aha tarpabontor dolidoli langkana?” laos ido nang sungkunsungkun tu hita di partingkian on, naeng bontor ngolum? Alusna: pahombarhombar ma tu hataNa. Adong do pandohan “mempertahankan lebih sulit daripada memperoleh”, lapatanna molo naeng marparange na denggan jala bontor, saonari pe boi doi ulahononta. Ummaol ima boha do mempertahankan angka parange na denggani di tongatonga ni angka godaan na manosak manang mangunjuni parngoluanta. Alana disi do na mambahen hita gabe ganggu jala na jotjot mangela hita gabe mardosa. Ala molo so tahaporseai do Debata, gabe talului ma dalan na tahaposi tuk paluahon dirinta sian angka pangunjunan I, asa kata kunci di hita molo naeng Manahan di angka pangunjunan, manang angka godaan, sai pahombarhombar ma tu HataNa.
- Ayat 10: dia do lapatan ni na mangalului Tuhan sian nasa roha? Mangalului sian nasa roha marlapatan doi na sai manghasiholi Ibana, jala mambahen Tuhan I rumingkot sian angka na diportibion. Di tongatonga ni angka pangalaho na naeng mangaramuni parngoluani, disosoi do hita asa tongtong mangalului Tuhani sian nasa roha, boi doi marhite ibadah, tangiang dohot pujipujian, asa malua hita, ai ala ni parsaoranta tu Tuhani tontu sai paingoton na do hita asa unang manimbil sian dalanna.
- Ayat 11-14:Nunga hu pajop hatami dibagasan rohangku (aku menyimpan janjiMu). Boha do carana manimpan hata ni Debata?dibasabasahon Debata tu jolma I utokutok na memiliki kemampuan laho menampung angka memori nang sadia godang pei termasuk hata ni Debata. Alai tutu proses penyimpanan ingkon do marhite haringgason manjaha Hata ni Debata songon angka na tarsurat di Bibel I huhut pahusorhusorhonsa dibagasan roha. Jadi molo sai simpan di rohanta hata ni Debata sai jonok do Debata di parngoluantaon. Taingot ma pandohan on: the bible keeps you from sin;sin keeps you from the bible (hata ni Debata manjaga ho asa unang mangulahon dosa, alai baliksa dosai gabe padaohon ho sian hata ni Debata).
- Ayat 15-16: sai papingkirpingkironku (merenungkan), sai paberengonhu (mengamatamati/melihat semua kuasa dan pekerjaan Tuhan dalam kehidupan), huhahilashon (bergemar dalam ketetapan,semangat untuk hidup dalam hukum Tuhan)do angka aturan,ndang tagamon halupahononhu (tidak melupakan firman, mengingat selalu karena itulah kekuatan). Ima songon siklus parngoluan ni halak Kristen na marTuhani.
- Panimpuli
Tahaguruhon
jala tahangoluhon ma hata ni Debata di ngolunta, asa martua ma hita di
pardalanan ni ngolunta di portibion. Tapahombarhombar ma tu hatana asa bontor
hita jala margogo mangadopi sude angka pangunjunan na ro.
0 Response to "MARLAS ROHA MANGOLOI HATA NI TUHAN I PSALM 119: 9-16"
Posting Komentar