Psalmen 19 on ima na ni gurithon si Davit, jala
turpuk on jotjot do dijaha songon patujolo ibadah ari sabat. Psalmen on
mangggombarhon haporseaonna marningot habalgaon dohot huaso ni Debata (ay.1-6)
jala patik na gabe ojahan ni ngoluna (ay.7-11), jala ditutup ma marhite
tangiangna (ay. 12-14).
B. Hatorangan
Turpuk
Di patujolo pujipujianna dipataridahon ibana do
hapapatar ni habalgaon Debata marhite jadijadianna, jala marhite angka
jadijadianna I, gabe mura ma tatanda Ibana na sun gogo i. on do na naeng
diondolhon si Davit, naeng ma nian lam hot haporseaonta siala panandaanta tu Debata marhite JadijadianNa jala marhite angka
patikNa. Songon na ni dok si Paulus “ Asa sian na tumangihon do ro haporseaon
(rom 10:17)”.
Ayat
8 mandok kesempurnaan ni patik ni Jahowa, jala boi do mangalehon bisuk tu angka
na tobok marroha (mendidik), mambahen las ni roha tu angka na mangulahon (kebahagiaan),
patiurhon parnidaan (penuntun kepada kehidupan yang baik). Jala patik ni Debata
ndang boi diukur marhite angka hamoraon na adong diportibion. Molo
diperbandingkon sian hamoraon ni si Davit, marlipatganda do na nijalona sian
Debata. Ai so marlapatan angka hamoraonna molo mandao do Debata sian nasida, ai
suda doi dibuat musu. Alai ala polin jala na
porsea do nasida gabe ido dalan ni Debata mangalinggomi jala mangalehon angka
pasupasu (ay11,12).
Dirajumi
si davit do dirina na gale “tung ise ma umboto
angka haliluon? sai sesa ma dosa angka na so huboto (13)”. On do songon
tangiang manopoti dosa, asa marhite hasesaan dosa na jinalona boi tarjalo ibana
angka pasupasu ni Debata, jala di tangiang nai dipangido do asa malua ibana
sian haginjangan ni roha jala asa unang dirajai Ibana, Alana ido na manghorhon
dosa.
C. Sipahusorhusoron
Marhite turpuk sermon on, diajari do hita asa
paulihon haporseaonta siala taung taida,
tatangihon angka pambahenan ni Debata marhite jadijadianNa, naeng ma
nian marsihohot hita di patik nang di Hata ni Tuhan I asa laos I na gabe
mamboan hita tu angka hasonangan na pinarade ni Tuhan i. dos doi songon
pandohan ni Tuhan Jesus “sai jumolo ma
lului hamu harajaon ni Debata dohot HatigoranNa, dung I tambahononNa do sude
angka ondeng tu hamu”.
0 Response to "PSALMEN 19: 7-14 Sun Denggan Do Patik Ni Tuhan I Jala Tau Pasabam Roha"
Posting Komentar