MANGOLOPHON
JALA MANGHATINDANGHON GOGO NI TUHAN I
- Patujolo
Buku ulaon ni apostel ima na sinurathon ni si
Lukas, jala dibagasan turpuk on dipatorang ibana marhite na niidana sandiri ia
si Petrus dohot si Johanes manghatindangkon Jesus dijolo ni angka pangintuai
nang angka siboto surat. Ia sintua ni malim, pangituai, siboto surat nang halak
saduse patupatuhonparaloan tu halak na porsea jala marsangkap
manesa/menghilangkan goar ni Jesus, manulak barita nauli (injil) jala
marsangkap naeng mamunu sude angka apostel, asa unang marurat be barita Kristus
i. alani I ma laho pasauthon sangkap nai, dipatupa nasida ma (sintua ni malim,
pangituai, siboto surat nang halak saduse) sidang di Jerusalem laho mengadili
si Petrus nang si Johanes taringot na dipamalum nasida sahalak na pampang gabe
mardalan (Ul 3:10). Sasintongna molo na pamalumhon ndada gabe masalah, alai ala
mangasahon goar ni Kristus do nasida na gabe keberatan, na mambahen angka
ajaran, tradisi, dogma nasida na naung dipelihara gabe tersaingi.
- Hatorangan ni turpuk
·
Ayat 5-6:
di marsogot niari dung ditangkup jala dihurung si Petrus dohot si Johanes,
dipatupa angka pimpinan ni jahudi, pangituai dohot angka siboto surat do siding
di Jerusalem jala parsidohot do disi sintua ni malim si Hanas, Kayapas, si Johanes
dohot Alexander ( keturunan imam besar). Digoari ma nasida Majelis Mahkama
Agama manang Sahendrin. Sahendrin ni Jahudi on adong 70 halak, ima: pangituai
dohot siboto surat. Jala dihatihai si Hanas ma songon imam besar. Sidang
mahkama agama biasana dipatupa di sada inganan di samping ni sinagoge.
·
Ayat 7-9:
peristiwa pamalumhon na pampang ima na gabe boncir ni mahkama agama laho
pasahathon tuduhan tu si Petrus dohot si Johanes. Digogohon mahkama agama do
laho mandabuhon (menjebak) angka apostel I marhite sungkunsungkkun na mandok:
“Gogo ni ise manang goar ni ise dipangasahon hamu patupahon i?” molo dialusi
apostel i do asing sian goar ni Debata, tontu hona uhum do nasida. Alai marhite
huaso ni tondi parbadia, si Petrus dohot si Johanes manghatindanghon ia
jongjong pe halak on, hisar di jolomuna, sandok marhitehite goar ni Jesus Kristus
na sian nasaret i do, na pinarsilanghon muna, na pinangolu ni Debata sian na
mate. Diurupi tondii do nasida maralus, asa jumpang songon na tarsurat di mateus
10: 19-20 “ alai jumpa dipajongjong
nasida hamu, unang ma holsoan rohamuna di sidohonon munai, ai din a sangombasi
do lehononNa tu hamu hata sidohononmunai. Ai apala hamu mandok hata disi; tondi
ni Amamuna do marturasi dibagasan hamu”
·
ayat
10-12: marhite huaso tondi porbadia do muse apostel i pasahathon hatana na
mandok songon na tarsurat di psalm 118:22 “batu naung binolonghon angka pande
bagas, ima gabe batu parsuhisuhi”. Lapatanna: Batu naung binolongkon ni angka
pande bagas, molo di Padan Narobi ima manggombarhon bangso ni Debata manang
sasahalak na so adong be artina, ndang marguna. Hape dijolo ni Debata batu na
so marguna i ditompa gabe batu parsuhi ima batu na mansai ringkot, na utama
jala na marguna. Molo didok batu parsuhi ima batu na dipake laho penentu di
hajongjongan ni bangunan. Tontu dison, ndada alani gogo manang pambahenan ni
jolma i gabe ringkot ibana alai na Debata do mangholomohon songon i. Pandohan
on martudutudu do tu Tuhan Jesus di Padan Naimbaru. Naung ditulak halak Jahudi
hian do Jesus sian tonga-tonga ngolu nasida, dibolongkon songon batu i hape
dibahen Debata do IBANA gabe penentu di sejarah pardalanan ngolu ni jolma. Ai
marhite Jesus, gabe tarbuka dalan tu hangoluan na manongtong di ganup jolma na
olo porsea di Ibana (Joh.3:16). Alani ima di 1 Korint.3:11 didok :”Ai ndang
tarpaulin ojahan na asing, dungkon ni naung ojak i, ima Jesus Kristus”
- Panimpuli-Aplikasi
·
Dijamitahon do turpuk on di minggu JUBILATE
namarlapatan: marolopolop tu Debata sandok tano on. Jala topic ni minggu “Mangolophon
jala manghatindanghon gogo ni Tuhan i”. ima na mansoarahon asa sude bangso
tarlumobi halak na porsea dang sumurut haringgasonna mangolophon Tuhan I na
mangalehon kesempatan di angka jolma asa malua sian hamagoan, hamatean, alai
adong panghiriman na mangolu marhite sada Goar, ima Jesus Kristus.
·
Godang do na mangambati, menantang angka
parbarita nauli nang halak na porsea di parngoluonna molo tahatindanghon Kristus
i. Alai disi jumpang pos ni roha, ai diajari tondi I do hita maralus hombar tu
lomo ni roha ni Debata.
0 Response to "MANGOLOPHON JALA MANGHATINDANGHON GOGO NI TUHAN I ULAON NI APOSTEL 4:5-12"
Posting Komentar