Turpuk on ima tingki di huta kapernaum, jala konteks
jamitana ima laho mamodai manang mangalehon bohal partondion tu angka siseanna,
siala jonok nama tingki na ibana tu Jerusalem.
Ragam angka permasalahan di angka sisean ni Tuhan Jesus ima ise sumurung sian
nasida (33-37), identitas nasida di
masyarakat (38-41), angka pembinaan pangajarion na gabe sisean (42-50).
B. Hatorangan
Turpuk
Dipaboa si Johanes do na adong sahalak na boi
pabalihon angka sibolis marhite goar ni Jesus, jala keberatanna: 1) mabiar
nasida molo disalahgunakan goar ni Jesus I; 2) ai holan nasida do sisean jala
ingkon nasida do na patut mamangke goar ni Jesus. Alai
dialusi Jesus do si Johanes asa unang diorai nasida, ai na ginoaran mangurupi
do nasida molo dipangke goarni Jesus jala margogo nasida marhite goarnai. On ma
tandana holong ni Kristus ndada holan tu sisean I, jala margogo do manang ise pe
namangasahon goar ni Tuhan i. jala manang ise pe napainumhon aek santahu tu
angka sisean dibagasan goar ni Kristus, dapotan upa do ibana sian Tuhan i. on
ma na patuduhon holong ni Kristus bersifat universal tu sude manisia.
Di
ayat 42-50 dipaboa Kristus do uhuman tu angka na salah mamangke goarna manang
na mambahen halak gabe lilu, ima: digantunghon batu losung tu rungkungna laho
mangalononghon ibana tu laut. Marlapatan mai hamatean do jambarna jala tu
naroko tu api na so ra mintop, dina so ra mate gulokna.
Pandohan
na mandok ingkot di gotap: tangan, pat, mata ingkon dipulsikhon unang ma nian
diantusi secara harafiah. Pandohani ima na mandok molo adong na mambahen gabe
mardosa naeng ma nian dipadao jala dipaias, ai ndada tangan, pat, mata na
mambahen mardosa, roha parbagasan do (tempat dosa adalah jiwa, bukan organ
tubuh jasmani). Roha I do na ingkon dipauba asa boi hita bongot tu harajaon ni
Debata.
Di
ayat 49-50 diarahon do angka sisean asa gabe sira di tongatonga ni portibion.
Na marlapatan boi gabe mempengaruhi sude angka dongan asa lam mananda tu
Kristus. Unang ma nian targoar sisean alai hambar do dihilala dongan angka
pambahenanna, jala dang sesuai tu pangalaho ni siihuthon Kristus i.
C.
Sipahusorhusoron
Hita parhalado na tarjou gabe sisean laho
mamaritahon holong ni Kristus I, naeng ma nian bersikap terbuka tu angka dongan
pangula na asing, jala unang ma nian adong kecemburuan social songon sisean ni
Tuhan Jesus i. Jala gabe sira ma hita di tongatonga ni ulaonta, keluarganta,
tonganga ni masyarakat, Gareja, asa boi
dihilala angka ruas ulaon haparhaladoonta na tarjou do hita gabe sisean ni
Kristus.
0 Response to "Markus 9: 38-50"
Posting Komentar