JESAYA 35: 4-7a RO TUHANTA LAHO PALUAHON

A. Patujolo

Buku Jesaya disagi mai gabe 3 bagian: 1-39 di tingki habuangan; 40-55 bagabaga/persiapan tu  haluaon; 56-66 dung haruar sian habuangan. Jesaya na marlapatan Tuhan na paluahon. Mangula do ibana gabe panurirang saleleng satongah abad di tingki raja Uzia, Yotam, Ahas dan Hizkia (Yes 1:1) sian taon 740-687sM.  Ibana panurirang na dijou di tingki habuangan, jala laos disi do diantusi ibana alus ni na masa tu bangso i, bahwa na mengancam ngolu nasida gabe marsikkor sasintongna dang bangso Asyur, alai diri nasida sandiri do na so sintong  marhite hata nang pambahenan na tu Debata, nang songoni angka raja nasida na mandao sian Debata.  

B. Hatorangan turpuk

Denggan do turpuk on molo dijaha sahat tu ayat 10 alana sada bagabaga do on tu bangso Israel. Di tingki diuhum bangsoi hot do holong ni rohana tu bangsoi, jala dipasahat mai tu Jesaya asa dibaritahon muse holong ni Debata (ay.4). jala barita holong nai lobi do sian hagogoon ni portibion, jala ndang hea dope masa di angka bangsobangso:

1. ayat 5-6: namapitung à marnida;  Na pampang à Marhajinjang;  Na nengel à mambege; Na ngungu à Dilana mariaia.
2. Debata na paradehon isi portibion gabe bohal dalan hangoluan ni bangso I asa unang hasusaan: marbuhalbuhal ma aek di halongonan; sunge di adaran; tano hasang situtu gabe tao; tano bangkalbangkal gabe parmualan aek.
3. ayat 9: dang adong be ancaman tu bangsoi (digombarhon mai songon singa, binatang panoro)
4. ayat 10: halalas ni roha salelenglelengna di atas ulu nasida.

Bangso Israel na di turpukon ima songon gombaran ni ngolunta, hot do holong ni Debata tu hita nang pe godang tabolus angka na masa, alai diajari si Jesaya do hita sasintongna ndada halak na asing na mambahen hita manarita, alai dirinta sandiri do na lam dao sian Debata, jala marhite I do hita dipaingot asa mulak muse tu Debata. Ala nga rade dibaen Debata hasonangan tu angka na porsea jala na mangulahon lomo ni rohana, lobi sian na tarbahen hagogoon ni portibion. Kristus ima Dalan dohot Hasintongan, Hangoluan (Yoh 14:6), dibagasan ibana nunga patar be na dibagabagahon Debata tu Portibion, ima ulaon na so hea masa dope di tano on. Jala Kristus I pe mandok “Ro ma hamu tu Ahu, hamu angka na loja jala na sorat, asa hupasonang hamu” . antong ditonahon turpuk ta sadarion (ay.4): PIR MA TONDIMUNA, UNANG HAMU MABIAR..!

Share on Facebook

Share on Twitter

Share on Google+

Share on LinkedIn

Ingin mendapatkan artikel dari Teologi Batak tanpa membuka blog ini? Silahkan masukkan e-mail anda di kolom ini, artikel yang di post Teologi Batak akan otomatis terkirim ke e-mail anda: